Mahnitet nga Stambolli, mendon kthimin në mysliman

Aktori i njohur Liam Neeson mund të heqë dorë nga katolicizmi dhe të bëhet mysliman. Kështu bën të ditur gazeta e njohur britanike “The Sun”.

Aktori 59-vjecar, i lindur në Irlandën e Veriut, ka thënë se lutja islame i ka hyrë në shpirt gjatë xhirimeve të një filmi të ri në Stamboll.

“Në këtë qytet ka rreth 4 mijë xhami. Disa prej tyre të lënë me gojë hapur dhe më bëjnë që të mendoj konvertimin në mysliman”, ka thënë aktori.

Neeson, që së fundmi ka arritur sukses me filmat “Taken”, “A-Team” dhe “Unknown”, po shijon sukseset e prodhimit të fundit hollivudian “Grey”, që bën fjalë për një grup pasagjerësh që duhet të mbijetojnë në mes të akullit pas një incidenti ajror.

Gjithashtu, më vonë gjatë vitit ai do të shfaqet në ekranin e madh me filma të tjerë të suksesshëm.