Çifti martohet para 300 mijë protestuesve në sheshin Tahrir të Kajros

Sheshi Tahrir i Kajros, skena e betejës së ditëve të fundit që shkaktoi edhe shumë viktima ka patur edhe historinë e vet të veçantë. Një çift ka preferuar të lidhë martesën pikërisht mes protestuesve dhe forcave pushtetare. Ahmad Saafan dhe e fejuara e tij Oula Abdul Hamid vendosën të martohen për të konsoliduar më tej tanimë lidhjen e tyre dhjetë vjeçare. E diçka e tillë është zgjedhur të bëhet në sheshin e protestës pasi kishin marrë pjesë bashku për disa orë në protestën ndaj regjimit. “Kishim mundësi që të shkonim diku në ndonjë vend të izoluar ku mund të kryenim ceremoninë martesore dhe alternativa tjetër ishte të martoheshin në sheshin ku njerëzit po protestojnë. Ne zgjodhëm të dytën. Protestuesit janë familja jonë tanimë. Ne kemi jetuar, kemi qeshur me protestuar sëbashku në këtë shesh në javët e kaluara. Ola dhe unë dëshirojmë të ndajmë gëzimin me secilin në këtë shesh”, theksoi dhëndri 29 vjeçar. Rreth çiftit që vendosi të kthente ditën e protestës në ditën më të bukur të jetës ndodheshin plot 300 mijë protestues.