Hidhet në treg smartphon-i i parë islam

ndia është vendi me rritjen më të madhe sa i takon përdoruesve të telefonisë mobile me 850 milion abonentë.

Një kompani indiane hodhi në treg ‘smartphone-n’ e parë islam, i cili përfshin një busull që qëndron gjatë të gjithë kohës e kthyer nga Meka.

Gjithashtu, në telefonin modern ndodhet edhe i gjithë Kurani i shkarkuar. Sipas krijuesve të “smartphone”, teknologjia shpesh shpërfill nevojat e komuniteteve të ndryshme, duke krijuar produkte në masë.

Ata pretendojnë se kanë zgjidhur një problem të madh për 180 milion myslimanët që jetojnë në Indi dhe për shumë më tepër të shpërndarë nëpër botë.

“Deri tani kemi patur një përgjigje shumë të fortë nga tregu për këtë produkt. Feja është një pjesë shumë e rëndësishme e jetës së indianëve dhe e shumë njerëzve të tjerë në botë. Ky produkt është i destinuar për sukses”, komentoi kompania prodhuese.Ky telefon përkthen Kuranin nga Arabishtja në 29 gjuhë