Bebet e uritura mund të nuhasin qumështin e nënës

Pikërisht ashtu siç të rriturit e konsiderojnë të parezistueshëm aromën e ushqimit të sapopjekur, edhe bebet e uritura po ashtu mund të nuhasin qumështin e nënës.

Gjëndrat e vogla në gjinj prodhojnë lëngun me aromë të cilin fëmijët e uritur e përjetojnë si të parezistueshëm.

Të sapolindurit kanë ngrënë më shumë dhe kanë shtuar më shumë në peshë, nëse janë ushqyer nga nënat që kanë pasur shumë gjëndra, që do të thotë gunga të vogla të dukshme rreth thithkave.

Shkencëtarët shpresojnë që aroma mund të përdoret për të mësuar bebet që kanë lindur para kohe që të ushqehen përmes tubave, se si të ushqehen me qumështin e nënës. Kjo do t’i ndihmojë të mësohen më mirë kur të fillojnë të ushqehen në mënyrë të natyrshme.

Numri i gjëndrave areolare rritet shpesh gjatë shtatzënisë, ndërsa ato ndonjëherë lëshojnë sasi të vogla të lëngut.

Më herët është menduar se si ai lëng shërben për lubrifikimin e lëkurës, por tani duket që po ashtu shton edhe apetitin e foshnjës.

Hulumtuesit nga Qendra kombëtare për hulumtime shkencore në Dijon të Francës, kanë numëruar gjëndrat në thithkat e 121 nënave, në tri ditët e para pas lindjes. Kanë përcjellë se sa e thithin qumështin dhe sa janë të rënda bebet.

Femrat me më shumë se nëntë gjëndra në gji kanë filluar më herët të prodhojnë qumështin për dallim nga ato me më pak gjëndra.

“Aroma e lëngjeve që prodhojnë gjëndrat ka ndikuar që bebet treditëshe të dëshirojnë të ushqehen më shumë me gji,” thekson hulumtuesi, Benoist Schaal nga Qendra Kombëtare.