INDINJATË E THELLË PËR SULMIN TERRORIST NË TURQI

Turqia është tronditur me lajmin e rënies dëshmorë të ushtarëve në Dijarbakër.
Postuar më 15.07.2011 11:44:06 UTC
Përditësuar më 15.07.2011 13:55:46 UTC

Turqia është tronditur me lajmin e rënies dëshmorë të ushtarëve në Dijarbakër.

Në konfliktin e përjetuar midis forcave të sigurisë dhe një grupi terrorist, 13 ushtarë ranë dëshmorë, dhe 9 të tjerë janë plagosur ndër të cilëve 2 u plagosën rëndë.

Ndërkohë, 7 terroristë janë vrarë.

Lajmi i hidhur e vuri në alarm Ankaranë.

Komandanti i Forcave Tokësore Gjeneral Armate Erdall Xhejlanollu dhe Komandanti i Përgjithshëm i Xhandarmërisë Nexhdet Ozel kanë shkuar në rajon.

Gjithashtu në Dijarbakër kanë shkuar edhe Zëvendës Kryeministri Bekir Bozba dhe Ministri i Punëve të Brendshme Idris Naim Shahin.

Pas lajmit të dëshmorëve në Dijarbakër edhe Kryeministria u mblodh në një samit të jashtëzakonshëm me temë terrorizmin.

Pas rënies në krye të detyrës të 13 ushtarëve, Presidenti Abdullah Gyl duke bërë një bisedë me Shefin e Shtabit të Shtatmadhorisë Turke, Gjeneral Armate Ëshëk Koshaner, tha: "E mallkoj me forcë këtë sulm të pabesë".

Gyl i cili nënvizoi se lufta kundër terrorit do të vazhdojë me vendosmëri, i ftoi të gjithë aktorët politikë të tregohen të përgjegjshëm dhe të distancohen prej terrorizmit dhe dhunës.

Në deklaratën që bëri me shkrim Presidenti Abullah Gyl tha se: "Në vendin tonë, në një periudhë që të drejtat dhe liritë po shtohen dhe paqja, vëllazëria e qetësia po forcohen, organizata terroriste me këtë akt të pabesë tregoi edhe një herë qëllimin dhe fytyrën tradhtare”.

Gyl, vuri në dukje se ata që mendojnë se duke derdhur gjak e duke hidhëruar popullin do t'ia arrijnë qëllimit, pa as më të voglin dyshim që do të kuptojnë një ditë se kanë bërë një gabim të madh dhe shtoi: "Këto sulme, nuk kanë për ta dobësuar kurrë shtetin, kombin dhe vullnetin tonë për të zgjidhur problemet" duke theksuar edhe një herë vendosmërinë në luftën kundër terrorizmit.

Pas rënies në krye të detyrës së 13 ushtarëve në Dijarbakër, qytetarët e derdhur në rrugë me flamujt turq dënuan ashpër terrorizmin.

Nëpër shumë qytete kjo ngjarje është protestuar.

Një deklaratë ku dënohej terrorizmi erdhi edhe prej Asamblesë së Parlamentarëve të Këshillit të Evropës.

Kryetari i Asamblesë së Parlamentarëve të Këshillit të Evropës, Mevlyt Çavushollu në deklaratën me shkrim përdori shprehjen: "Terrorizmi, armiku më i madh i njerëzimit nuk mund të ketë asnjë justifikim të drejtë".

Sulmi i pabesë në Dijarbakër është dënuar edhe prej Shteteve të Bashkuara të Amerikës.

Sekretarja Amerikane e Shtetit për Marrëdhëniet me Jashtë Hillary Clinton në deklaratën me shkrim vuri në dukje se ata janë pranë Turqisë në luftën kundër organizatës terroriste PKK e cili mori jetën e dhjetëra mijëra qytetarëve turq.

Clinton tha se ata do të vazhdojnë të punojnë me qeverinë e Turqisë kundër çfarëdo lloj forme të terrorizmit.

Edhe Sekretari i Përgjithshëm i NATO-s, Anders Fogh Rasmussen e ka dënuar ashpër sulmin e pabesë në Dijarbakër të Turqisë ku 13 ushtarë humbën jetën dhe shumë të tjerë u plagosën.

Në deklaratën me shkrim Rasmussen sulmin e cilësoi si të "të pabesë" dhe të afërmve të atyre që humbën jetën u përcolli ngushëllimet personale.

Sekretari i Përgjithshëm i NATO-s tha se aleanca është në solidaritet të plotë me aleatët që janë duke luftuar kundër terrorizmit.