Zbulohet ilaçi i ri për të gjitha sëmundjet?

Antibiotikët, një nga arritjet më të mëdha shkencore të njerëzimit, janë në sprovë të madhe. Numri gjithnjë më i madh i mutacioneve bakteriale zhvillon rezistencë ndaj tyre, por shkencëtarët e Institutit IZI nga Leipzig pohojnë që kanë gjetur zgjidhjen – mënyrën alternative të luftës kundër baktereve gjithnjë më rezistuese.

Qoftë kur bëhet fjalë për teoritë e konspiracionit se si llojet e reja të bakterit si “E.coli” janë krijuar me mutacione gjenetike dhe janë lëshuar në botë për shkak të profitit, apo qoftë kur është fjala për përdorimin e tepruar të antibiotikëve në të cilat bakteret thjesht janë përshtatur, fakt është që antibiotikët njerëzimit më nuk mund t’ia ofrojnë atë mbrojtje të cilën falë tyre e kemi pasur në të kaluarën.

Shkencëtarët kanë gjetur mënyrë alternative të luftës kundër baktereve rezistuese. Peptidet antimikrobike (fragmentet e proteinave më të mëdha që mund të gjenden te disa insekte) në mënyrë të suksesshme parandalojnë inflamacionin dhe përhapjen e baktereve në organizëm.

Ata kanë zbuluar 20 mikrozinxhirë të peptideve të cilat në mënyrë të suksesshme parandalojnë llojet e ndryshme të baktereve, nga Streptococcus mutans, që shkaktojnë kariesin e dhëmbëve, deri te superbakteret, të cilat jetojnë nëpër spitale dhe janë rezistente në gati të gjitha ilaçet në botë.