Turqia voton nesër

Qytetarët e Republikës së Turqisë nesër që nga ora 8:00 e mëngjesit deri në ora 17:00 do ti drejtohen kutive të votimit për t’i zgjedhur përfaqësuesit e tyre për parlamentin e ri.

Të drejtë vote kanë mbi 50 milionë banorë, të cilët do të kenë mundësi të votojnë në rreth 199.207 vendvotime për 7.600 kandidatë për deputetë për ti zgjedhur 540 deputetët e rinj sa ka parlamti turk (TBMM).

Sondazhet preliminare tregojnë se partia e kryeministrit aktual turk, Tayyip Erdogan (AKP) sërisht do të jetë fituese por do të duhet të bëj koalicion për të krijuar qeverinë e re.

Ndërsa në vendin e dytë do të renditet partia sekulare e Kemal Kılıçdaroğlu apo siç e quajnë Ghandi i Turqisë për shkak të përngjarjes fizike, CHP e cila pritet të ketë ngritje për rreth 5% përqindje, ndërsa partia e tretë do të renditet ajo e Devlet Bahçeli (MHP) e cila pësoj një goditje dy ditë më parë pasi disa nga ish-deputetët e kësaj partie ishin përfshirë në afera seksuale (pritet të ketë rreth 12% vota)

Vlenë të theksohet se TV me EXIT pollet e tyre sipas ligjeve turke nuk do të mund të dalin deri në ora 21:00.

Poashtu sipas ligjit turk që nga ora 00:00 (sonte) asnjë subjekt afarist nuk ka të drejt të shes pije alkolike për 24 orë për qytetarët. Nëse thyhet ky ligj gjobat për subjektet afariste janë drastike që nga 2000 dollar deri në 5000 dollar