Arabia drejt financimit të ndërtimit të Parlamentit Shqiptar

Projekti do të ketë një vlerë prej 600 milionë eurosh.
Arabia Saudite është duke diskutuar një propozim për të financuar ndërtimin e një kompleksi parlamentar prej 600 milionë eurosh në Shqipëri. Një lajm të tillë e kanë bërë të ditur mediat arabe, që kanë theksuar se bëhet fjalë për një shtet me një predominancë myslimane në Evropë.
Gjithçka, mbretëria arabe duhet ta bëjë në shenje solidariteti dhe mbështetje për vendin tonë. Projekti i parlamentit do të zëre një zonë prej 28 mijë metrash katror në Tiranë. Për këtë ka folur edhe Sherefedin Shehu, sheh i komisionit të Ekonomisë dhe Financës në parlamentin tonë, i cili ka zhvilluar një bisedë me zyrtarët arabë, përfshi edhe Abdullah Al-Asheikh, kreun e Financavë të Arabisë Saudite. "Detajet e planit për të financuar parlamentin do të bëhen të ditur gjatë vizitës së kryeparlamentares Jozefina Topalli në Riad gjatë muajve të ardhshëm”.

Ndërsa i pyetur mbi lehtësi të tjera huazimesh e marrëveshjesh me Shqipërinë, Shehu ka pranuar se Komisioni i Ekonomisë në Parlamentin tonë ka aprovuar marrëveshjen midis qeverisë shqiptare dhe Bankës Islamike për Zhvillim, për financimin e ndërtimit të Autostradës Tiranë-Elbasan që do të jetë 28 km dhe do të ketë një vlerë prej 1.4 miliard euro. Gjithashtu, funksionari shqiptar ka theksuar mbështetjen e Mbretërisë së Arabisë për bashkëfinancimin e një projekti prej 2.2 milionë eurosh për rrugët rurale në vendin tonë, gjë që do të përmirësojë jetën e zonave rurale.