Masakrat në Mianmar, Erdogan dërgon të shoqen tek njerëzit në hall

Zonja e parë e Turqisë do të vizitojë të mërkurën Bangladeshin, për të takuar muslimanët Rohingya të cilët u larguan nga persekutimi në shtetin Rakhinë të Mianmarit.

“Zonja Emine Erdogan do të udhëtojë sot në Bangladesh ku do të takohet me vëllezërit tanë muslimanë, të cilët ikën nga shtypja në Arakan në shtetin Rakhine”, tha zëvendëskryeministri Hakan Çavushoglu në një intervistë me transmetuesin turk ATV të mërkurën.

“Shumë nga vëllezërit tanë muslimanë kanë gjetur strehim në Bangladesh, pasi ikën nga përndjekja në rajon”, shtoi ai.

Çavushoglu vuri në dukje se Presidenti Erdogan, i cili është gjithashtu presidenti i Organizatës së Bashkëpunimit Islamik (OIC), ka diskutuar çështjen me disa udhëheqës muslimanë për të gjetur një zgjidhje.

Qeveria e Mianmarit të martën lejoi që Agjencia Turke për Bashkëpunim dhe Koordinim (TIKA) të shpërndajë 1,000 ton ndihma për muslimanët Rohingya në shtetin Rakhine.

Leja nga Mianmar erdhi disa orë pas bisedës telefonike të Presidentit Erdogan me prijësen e Mianmarit, Aung San Suu Kyi, mbi shkeljet e fundit të të drejtave të njeriut në Rakhinë.

Cavusoglu tha se ndihma humanitare mund të ketë filluar të shpërndahet në rajon tashmë.

Ai shtoi se kjo Turqia do të vazhdojë të ofrojë ndihmën e nevojshme humanitare për rajonin.

“Jo vetëm që do të ofrojmë furnizime ushqimore apo nevoja jetike, por supozoj se si rezultat i diplomacisë së presidentit tonë të nderuar, do të zgjidhen edhe problemet e tjera në rajon, pasi do të jetë fillimi i zgjidhjes së problemeve politike gjithashtu. Sepse, nëse shohim diskutimin e tij në telefon, është e qartë se gjendja humanitare, grupet terroriste në rajon, e ardhmja e rajonit, të gjitha janë përmendur. Pra ky është çelësi”, shtoi ai. /tesheshi/